«Орман мектебі» форматында экологиялық ағартушылық іс-шараларды өткізу жоспары-кестесі аясында оқушыларды орман шаруашылығы мекемесінің қызметімен және орман шаруашылығы саласындағы мамандықтармен таныстыру мақсатында кәсіптік бағдар беру экскурсиясы ұйымдастырылды.

Экскурсия барысында оқушылар орман шаруашылығы жұмысының негізгі бағыттарымен танысып, ормандарды қорғау, сақтау және қалпына келтіруге байланысты мамандықтардың ерекшеліктері туралы ақпарат алды. Орман шаруашылығының маманы Жунусов Ж.Ж. оқушыларға өзінің кәсіби қызметі, орман шаруашылығы қызметкерлерінің негізгі міндеттері және олардың еңбегінің табиғи ресурстарды сақтаудағы маңызы туралы айтып берді.

Мектептің кәсіптік бағдар берушісі Кабдалова Айжан Еркеновнамен бірлесіп, оқушылардың орман саласындағы мамандықтар туралы түсініктерін кеңейтуге және экологиялық әрі табиғатты қорғау бағытындағы мамандықтарға қызығушылықтарын қалыптастыруға бағытталған кәсіптік бағдар беру жұмысы жүргізілді.

Экскурсия соңында оқушылар өздерін қызықтырған сұрақтарын қойып, орман шаруашылығы саласында жұмыс істеу үшін қажетті кәсіби қасиеттер мен білімдер туралы ақпарат алды.