Ата-аналар немесе баланың басқа да заңды өкілдері 1-сыныпқа қабылдау үшін құжаттарды қабылдау ағымдағы күнтізбелік жылдың 1 сәуірінен 31 тамызына дейін жүзеге асырылады. Білім беру ұйымдары алты жастағы және осы күнтізбелік жылы алты жасқа толатын балаларды 1-сыныпқа қабылдауды қамтамасыз етеді.

Мемлекеттік қызмет көрсетуден бас тарту негіздері:

• Ұсынылған құжаттарда және (немесе) олардағы мәліметтерде жалған ақпараттың анықталуы;

• Ұсынылған құжаттардың 2018 жылғы 12 қазандағы №546 ҚР Білім және ғылым министрінің бұйрығымен бекітілген білім беру ұйымдарына қабылдаудың үлгілік қағидаларының талаптарына сәйкес келмеуі;

• Сыныптардың толып кетуі.

Құжаттарды eGov порталы арқылы тапсыру үшін қажетті тізім:

1. Ата-аналардың немесе басқа заңды өкілдердің өтініші.

2. №065-у үлгісіндегі денсаулық жағдайы туралы анықтама және баланың денсаулық паспорты (№052-2/у).

3. 3x4 см өлшеміндегі екі фотосурет.

Сондай-ақ, өтінішті қабылдау және мемлекеттік қызмет көрсету нәтижесін беру eGov.kz порталы арқылы жүзеге асырылады.